കേരളത്തിലും തമിഴ്നാട്ടിലും തെലങ്കാനയിലുമുള്ള ഐഎസ് ശാഖകളെയാണ് ഇപ്പോൾ എൻഐഎ തിരിച്ചറിഞ്ഞിട്ടുള്ളത്. കണ്ണൂരിൽ യോഗം ചേരുമ്പോൾ അറസ്റ്റിലായത് കേരള ശാഖയിലെ അംഗങ്ങളാണ്. ഇവരെ പ്രതികളാക്കി റജിസ്റ്റർ ചെയ്ത കേസിലെ ചിലർ യുഎഇയിലാണെന്ന് എൻഐഎ തിരിച്ചറിഞ്ഞിട്ടുണ്ട്. ഈ പ്രതികളെ നാട്ടിലെത്തിക്കാൻ ഇന്റർപോളിന്റെ സഹായം തേടി.
ഐഎസ് ബന്ധമുള്ള സന്ദേശങ്ങളും പോസ്റ്റുകളും ലേഖനങ്ങളും അപ്ലോഡ് ചെയ്തതിന്റെ സാങ്കേതിക വിവരങ്ങൾ കൈമാറാൻ വാട്സ് ആപ്, ഫെയ്സ്ബുക്ക്, ഗൂഗിൾ എന്നീ കമ്പനികളോട് ആവശ്യപ്പെട്ടിട്ടുണ്ട്. അതേസമയം, ഐഎസിന്റെ തമിഴ്നാട് ശാഖയിലെ ചിലർ എൻഐഎയുടെ കസ്റ്റഡിയിലുണ്ടെന്നാണ് സൂചന.
